亞洲男子籃球錦標賽: B組 香港 87:50 科威特 - 賽事Highlights
記得訪問 Duncan Reid 時佢講過，香港足球代表隊有好多球迷支持，籃球相對較少人講。我個人認為官方宣傳方面有待改善之餘，香港籃球迷亦要暫時放低對非心儀球會或球員嘅偏見，以支持港隊為大前提。
周邊既人同單位其實好努力，除左香港有收費電視台直播之外，FIBA 官網亦好快就整左條精華出黎，加上又有大陸網站直播link，要睇波同獲得港隊資訊既渠道都幾多，視乎你有無「給力」支持。
所以作為球迷既你，唔好只係口講話撐，睇完就快啲喺社交平台share，等多啲球迷睇到，何樂而不為呢？
Btw, Duncan Reid 惠龍兒 last球入樽好正! 下次整球單手飛身入樽得唔得先?
【香港籃球】x 【國際籃球】亞洲男子籃球錦標賽
B組賽事 香港 87:50 科威特 - 賽事Highlights
亞錦賽分組賽事，港隊首仗面對科威特，港隊先由 #11鄭錦興 發難以個人突破勇闖對方內線為港隊打開紀錄，科威特憑外投發砲反擊，幸而港隊有 #7李琪 準繩3分及 #13黃鎮煒 於內線得分，首節港隊只落後15:17。
第二節港隊憑出色後場防守，令科威特無法順利組織攻勢，更引致對手連番失誤，港隊作出快攻反擊，在對手只得9分下，港隊半場以29:26領先科威特。
雖然科威特球員身形較港隊球員優勝，但港隊內線球員力拼將對手攻勢瓦解，即使 #13黃鎮煒 於第三節已取得4犯及 #14惠龍兒 接連得到三個進攻犯規，但後備中鋒 #15司徒偉傑 表現穩當填補內線，無計可施下，科威特多以單打獨鬥及外投成效不高，反而給港隊有更多機會作反擊機會增加，再配合陣地戰 #7李琪 外投發揮穩定下，港隊以54:37 17分領先完第三節，
第四節中段，港隊已經以20多分領前，教練 #安慶健 派遣多名年青球員上陣，當中以 #9梁兆華 4投4中(包括3個三分球) 最為搶鏡，港隊最終以87:50打開亞錦賽勝利之門，明天將硬碰首場意外落敗的菲律賓!
片段來源 : FIBA
#fibaasia2015
#支持香港隊 #支持香港籃球！
Search